من يرخصك بيعه مع الناس (بتراب) !!

قصيـدة أعجبتني
وحبيت أنقلهــا لكــمــ
وماقصدي احد

من يرخصك بيعه مع الناس (بتراب)
لاتعترف باللي مـع النـاس باعـك

اخلق لنسيانه مع الوقـت الأسبـاب
ولاتعتبر هالأمـر قصـة ضياعـك

وإن كان قلبك عن طواريـه ماتـاب
خلك بعقلك كـان هالعقـل طاعـك

سافر مـع الأيـام لاتقفـل البـاب
وخفف بهالمعنـى علـوم إندفاعـك

اصمـد وقـاوم لاتخـوَّف وترتـاب
خلِّك قوي وانشر ببحـرك شراعـك

دوَّر على اللي يحترم درب الأحبـاب
اللي طباعه بالوفـا مـن طباعـك

لاقال يصـدق مايجـي يـوم كـذَّاب
ولاقلت يِحْسِنْ بالحديـث إستماعـك

من طيبته تشتاق لـه كـل ماغـاب
ويشتاق لك لاعاش وقت إنقطاعـك

تلقاه بالضيقه معك خيـر الأصحـاب
يزعـل لضيقـك مايـدوِّر وداعـك

لأخطأ بحقك يعتـذر قبـل تنصـاب
ولأخطيت في حقَّه تحـرى دفاعـك

لامن عطى من قلب مايحسب إحساب
تلقاه قربـك لأسـود الهـم لاعـك

حلمه رضاك ويلتقي منك الإعجـاب
وهنـاه لامنـه تـوسـد ذراعــك